Q36081：

老師，美國減息，美股跌定升？

對港股有何影響？

龔成老師︰

其實股市的走勢有好多因素影響，好難單從加減息一個因素去判斷。

理論上，減息令企業的融資成本降低，利好企業的發展，對股價有利，但這並不是一定會發生的事。

美國減息，要睇翻香港會否跟隨，如果跟隨的話，對短期股價或會有利。

但長遠我不建議只用加減息作爲買入股票的根據，因爲加息周期終有一日會完結，影響都只是中短期。同時減息只是其中一個因素，我分析時，要更全面先得。

長遠仍然需要考慮企業的質素，根據自己的情況，為自己建立一個優質、平衡，適合自己的組合。

Q36082：

Hi 老師, 這是我目前的配置, 請問應該如何重整方向會更全面?

以下為三隻月供股票 (每月$3,000/2800-12手佔39%, 每月$1,500/823-10手佔16%, 每月$2,000/2382-4手佔9%)

以下是其他手持股:

1177-9手佔13%

3067-10手, 1448-1手, 1810-4手, 1928-2手, 1830-6手

資金已投資$35萬

現價值$23萬

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你39歲，應以增值為主，建議你用「平穏增長股」 + 「潛力股」作組合，去創造一個增值平台。

舜宇（2382）、中生（1177）、安碩恒生科技(3067)、小米（1810）、完美醫療（1830）、福壽園（1448）都是潛力股，雖然適合你年紀，但佢地波動性較强，要控制注碼，唔好用佢地作為組合主力。

其中舜宇（2382）因爲手機市場仍然疲弱，中短期都會弱，但此股有質素，建議可以守住先。

福壽園（1448）存在政治上的風險，不建議持有太多，現貨可持有，但不要加注。

完美醫療（1830）長遠有發展的，但佢的生意都會受經濟、市道等因素影響，這股不建議持貨太多。

單一的股票不建議超過組合的15%，領展（0823）雖然有質素，但比例開始多，建議長遠要慢慢減持，維持合適比例。

你整體組合，問題不算大，只是現時港股的投資氣氛仍然疲弱，要等經濟好轉的時候，企業先有望修復估值，建議耐心持有。

最後，你現優化的話，建議長線加入美股。(但現價美股唔平，只宜小注)

如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

Q36083：

ok, 美股小注 是一股股入較化算？因大市升跌無人能預計到？

亦應該為股票定下止蝕價？

有部分港股 每手股數少 如500股 1手

其中如有碎股 如不能賣出 可放在股票倉 ？亦或全沽出較好 因為長遠價錢會路？

股票價錢*

會跌

龔成老師︰

其實不一定要一股股買入，因爲每次做交都有買賣費用成本。你可以訂立一個金額，分注買入都可以。

大市無人能夠預測，因此，如果你不懂定平貴的話，那分注投資就顯得非常重要。

而我自己不會特別設立「止蝕價」，因爲投資應該是長期，除非你經過一段時間後，發現企業的質素有變或者自己當初買入的理由已經不存在，就要止蝕。

如果你有做月股票，那麽產生碎股是好正常的，只要你的股票是活躍有交投的，放售碎股不是問題，碎股可以做買賣。

如果你長遠打算月供，長線應該會慢慢變成一手。

Q36084：

我本身都係咁諗，可惜因某啲原因，我來緊5年應該都做唔到野住，所以我而家承受唔到風險，要好保守，希望用股息來做生活費…

如果我而家用身家既7成左右落收息股會唔會太多？同埋我發現老師最近好似講少左2638😅係咪有啲情況唔同左？

龔成老師︰

如果係咁，你都可以投資收息股，去保障現金流部份。

至於投入多少，你可以睇翻自己未來5年現金流狀況。

例如你希望每月有1萬蚊現金流，以股息率6%計，你需要本金200萬。同時，都要留些現金去應急。

而港燈(2638)佢質素無變，依然係有質素架收息股。

Q36085：

早晨, 龔老師。想請教一吓 1883呢隻股昨午出咗業績純利仲較去年上升, 派息又較去年多, 但點解昨天下午一開市頭5分鐘就由$3.10 直插跌$0.25 跌至$2.85 至跌定咁誇張, 今早開市仲再跌落去, 我唔明白點解佢會跌得咁厲害, 龔老師可否幫助分析一吓 ? 謝謝您

龔成老師：

因為市場之前已經預期了業績有增長，現時的業績其實無驚喜，甚至比市場預期略低，所以，股價之前已反映了業績，這刻見到業績無特別，反而會跌。

不過，通常這些因素公布後開市，股價都會因供求而較波動，但之後就會穩定翻D，而我地最重要以長期角度分析就得

中信國際電訊（1883）業務穩定，整體質素算是不差，過往股價的波動亦不大。佢近年的生意都保持穩定，盈利亦是一樣，相信市場結構令佢處於一個穩定賺錢的狀態，不過，增長力就不強。

盈利就穩定並平穩增長，但始終生意無上升，點都會有扣分的地方。

相信佢能平穩發展，收息可以，但就不要對股價有太大期望。

Q36086：

老師, 1883想再深入點問一吓, 佢份業績公佈去年營業額下跌1.2%, 但純利卻上升3.4%, 咁啟示佢業績係向好定係會向差呢 ?

佢股價近一年嚟都冇跌到咁低, 咁其實依家仲沽貨嘅人如果係近呢大半年嚟買貨嘅話都會係蝕住沽貨, 有$0.193股息派又較去年多, 咁值得要蝕本掟貨走咩? 佢股價跌得咁急令我好不解.....

龔成老師：

由於1.2%,及3.4%的數字都不是很大，因此未能有效得到明確的結論，有機會是某些成本下跌令賺錢能力提高，但生意即是大環境就只是一般。

至於派息，只是投資者考慮這股的其中一個因素。如果市場對前景有擔心，就會對佢的估值調低，同時賣貨的人也會較多。

Q36087：

請問 268同3888邊隻會好d呀？

龔成老師：

兩隻的情況接近，你預都是有風險有潛力類，只宜小注。如果2選1，金山軟件（3888）略好

佢主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區中下，有長線投資的價值。

由於業務有點波動，加上有可能受政策風險影響，因此又唔建議大注投資。

Q36088：

香港國際金融中心的地位

美國5月不是要香港撤掉在美的瓣公室嗎

龔成老師︰

其實中美角力，加上美國大選年，類似架情況會持續出現，係唔奇。

但實際架影響性，未必好大。因為中美好多野，包括貿易在內，唔係可以輕易完全切斷。

直接咁講，美國唔少企業，無左中國架生意會出問題﹐所以短期相信唔會去到好反面架狀況。

Q36089：

老師，想問293而家值唔值得入貨？

龔成老師：

國泰（0293）經歷完疫情後，業務好轉，但要留意，這企業整體質素不是最高之列。

現時全球環境已正常，業績可見數據不差。這企業也過了最差的時間，雖然全面好轉仍要時間，加上香港及中國都面對一些經濟不確定性，但國泰面對的整個大環境，情況仍是正在向好。

不過投資者要留意一點，這企業整體的質素，只是中等，並不是最高質素的類別，同時，也不是高增長企業。

就算分析疫情前的數據，國泰本身的賺錢能力，只是不過不失，未到很好賺，加上當中面對各種風險，如全球經流、競爭、油價等，翻查過往多年情況，油價對佢成本影響好大，令佢盈利十分波動，就算佢利用對沖，都唔算好成功，反而試過因對沖而蝕大錢。

另外，航空業對經濟週期較敏感，收入不穩，因此，這股整體的質素只是中等。

隨著全球大環境好轉，疫情過去，的確會利好這股，但經濟存有不確定性，加上這企業本身的質素只是中等，結論就是，這企業不是無投資價值，但只是中等

投資者就算對這股有興趣，也不建議投資太多，現價是合理的，相信長遠有平穩增長能力，但就要留意全球經濟對這股股價都會有影響。

Q36090：

龔成老師, 先前受到你的課程+書的啟發鼓氣勇氣去把自己的興趣(手作飾物)發展成副業。

龔成老師：

加油！

可以興趣發展成事業，工作就會有更大動力，成功機會大增！

當然，這條路並不容易，你將會面對不同的困難，你要盡最大努力，去克服！不要輕言放棄！