Q35061：

1)銀行股 hsbc 未來以收息或增長來說 可月供及小注入市？

2024 年美國有機會減息？對股市是好消息？

港股及本港經濟存2024前景不明朗 ？

要復蘇一段長時間, 無人預計到升跌？

做定期及月供比較穩妥？

Thx

2) 仲有想問現在港股下跌。以月供方式 供有質素股票 長遠來說是可行 因為股市會回升

但要看自己資金能力及行量風險？ 例如 收入15% 多餘錢才作月供？

小注及不作短炒？ 因股市情況一直下瀉 風險極高？

這樣做 可以半年後經濟轉好 股市回升 其實是一種穩定投資 ？

但要有耐性？

美股升至37000點 歷史新高 ？ 風險大？

投資要留意美國消息 ？

龔成老師︰

1)可以。

滙豐（0005）有投資價值，但就未必值得佔組合比例太多，同時明白佢是收息股，增長力有限，現價合理，可以月供或小注入市。

市場預期美國在2024年的下半年將會減息，理論上會對股市有正面的影響，但加減息是一個複雜的因素，以下影片，講述2024年美股、港股的大市分析，利息因素怎樣影響股市。

https://www.youtube.com/watch?v=XXy6Ue8U8fI

無人能夠準確預測到股市的升跌，就算是投資猛人巴菲特也從來不會預測股市的走勢，但我地可以通過企業質素和平貴度，去幫助我地制定策略。

至於定期還是月供，頻道裏面都有相關的影片講述理財的策略。

簡單來講，定期雖然高息，但在長遠的財富配置來講，幫助不大，因爲加減息會有周期，當減息期開始後，定期的回報就會相應減少。

因此，我地理財是講求一個平衡配置，長遠來講，月供股票的作用會比定期效果更佳，當然，你首先要有相關的知識或者技巧。

2）月供是比較適合大部分人的投資策略，它不是最賺錢方法，但是適合大部分無時間管理資產及投資經驗淺的初學者。

我地投資會因應自已的財政狀況、風險承受能力、年齡、負擔、要求回報等，為自己設立一個長期、優質、平衡、適合的財富組合。

一般而言，初期(即較年輕時)投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流，運用「先增值，後現金流」的方法做配置。

即是你要分析你的投資目標，你想潛力股的比例多少？平穩股的比例多少？組合風險程度如何？即是你想設計一個怎樣的投資組合？

如果月供的話，建議用儲蓄的一半做月供，另一半就等大跌市先入貨，加大投資勝算。

短炒不是理想的投資方法，因爲結果顯示短炒通常都輸多贏少；在股價合理的時候，我地可以以小注或分注形式儲貨。

投資在任何時候都需要有耐性，尤其是在經濟下行的周期，只要懷抱信心，明白股市一定有周期的時候，你就能把握賺錢的機會。

美股現時處於合理區較上部，不建議大手投資，但如果有心儀並有質素的股票，都可以考慮分注或小注意買入，慢慢儲貨。

至於美國的消息，我地都要關注，畢竟佢係全球最大經濟體。作爲理性投資者，不是用消息來做炒作，作爲買入股票的依據。你要學會分析什麽是市場的聲音，什麽是真正的數據，用數據去做研究預測，學會獨立思考。

港股、美股，最好平衡配置。

其實我向大衆提供的資訊都有相關的知識，你除了可以透過月供方法，去累積資產外，同時要多讀投資相關書本、年報，新聞和報讀相關課程。

書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q35062：

老師，你平時寫文會放在那些平台，你是怎樣寫？

每日寫？

龔成老師：

先寫好每星期的文，然後比出面多個傳媒及專欄。

同埋上載到龔成的FB，以及龔成的網站。

Q35063：

有陰謀論話美國嘗試拖長維持高息嘅時間，以通脹回落唔到做理由維持高息環境，從而夾爆中國個經濟

龔成老師︰

美國政府背後有什麼盤算，局外人好難會知。

但如果中國經濟出問題，其實都會影響美國好多企業架生計，而個會係事實。

美國有時只會在表面，同中國對立（因為這可以得到政治上的好處，例如選票），但在實質上，其實好多企業都只是想做生意，不想理政治，而這些企業會對美國有經濟上的利益。

Q35064：

減息會令經濟差嗎?兩者有什麼關係嗎?

龔成老師︰

減息本身是利好經濟，因為企業融資成本減。

但要小心當中的因果關係。

如果減息的原因，是因為經濟有機會出問題（因為長期高息會令經濟轉弱），減息就是果，經濟差就是因。

其實現時美國通漲未算受控，因為佢本身目標係接近2%。

如果達標此前已經減息，好大機會係佢睇到本身經濟，可能出左問題，所以心急要減，避免經濟出問題。

Q35065：

老師，2318咩平宜區？

可長線收息持有？

龔成老師：

中國平安（2318）有規模，有品牌，發展都算不太差。

不過，近幾出現一些不利因素，令股價都比較波動，例如增長力減慢慢以及資產質素較弱，例如佢背後持有一些企業，出現債務問題，加上中國經濟有轉弱風險，佢生意都有受到影響。

這股長線投資價值依然存在。現價算係合理區底，分注投資就可以。

其實，現價初步都算平，但始終佢持有中國類資產，當中有不確定性，所以如果穩陣D，考慮風險因素，你預跌多10%先算平。

Q35066：

成sir,我諗住100%港股，支持中國，你點睇？

龔成老師：

自己平衡風險，比較建議港股美股同時持有。我地投資，永遠都是「先想風險，後想回報」。

Q35067：

435改結算年度，咁係咪有機會減一次派息？

龔成老師：

有機會，但具體要睇佢的做法。

因為之前都見過有公司，改結算年度的日期，所以當中會有一個年度，佢儲左18個月股息去集中一次過派，但計翻平均數，其實又無少左。

Q35068：

hi，3800恊𨫎科技，我1.95買，想問下要留低，定係全部放咗佢？

龔成老師：

保利協鑫能源（3800）有危有機類，過往業務不穩，較受外在環境、資源價格等因素影響，質素中等。不過不是無增長，是有危有機類。佢最近業務不算差，但業務始終有不確定性，因此，這股不建議持有太多。因此，大方向是減持，就算要守，都只建議持有少量貨去守。

你可以考慮反彈後減持。

又或者，等大市好翻少少，這股都會好翻D，到時股價上翻D，先賣出。

佢主要為光伏行業製造多晶硅及硅片；銷售電力；開發、投資、管理及營運光伏項目。近年多晶硅價格上升不少，加上行業對產品一定需求，都利好這股，不過，我對這股有D保留。

佢之前有核數師請辭(雖然已再任命新核數師)，但我對這類股票，會較有保留。

睇翻2020年度業績，收益錄得146.21億人民幣，按年下降24%，毛利37.02億元，下跌20.9%。虧損由2019年度1.97億元，擴至56億元。

到2021年業績，又有盈利50億元。

你會發現，盈利的波動好大，其實好受多晶硅價格影響，而價格其實可以有好大變動，令投資這股都有風險。

另外，獨立核數師提出關於持續經營的重大不確定因素，不過，並無發表保留意見，算是好轉翻。

市場炒多晶硅價格，以及炒緊佢前景，但當中存有不確定性，股價大上大落，佢的確可能會大升，但同樣可以大跌，無得估，這炒作不少，要注意風險。

所以，如果本身有貨，都不建議持有太多。

Q35069：

老師，感覺月入多少唔係重點，可以儲幾多，同幾多用係投資先緊要。如月10萬，都入不敷支，咁無咩好講。

龔成老師：

對呀，所以能儲到多少，反而是更重要的事。

我都認識一些朋友，月入$10萬，但每個月仍是無錢剩，好擔心失去工作，經常為錢而煩惱。

所以，懂得理財是十分重要的。

Q35070：

3993同1258，龔生如何睇？

龔成老師：

洛陽鉬業（3993）質素都有，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較較分析。

另外，這股的股價較為波動，這股不是不能投資，但不建議大注。

中國有色礦業（1258）主要係非洲贊比亞經營銅開採、選礦、濕法冶煉、火法冶煉及銷售業務，主要產品為銅精礦、粗銅及陰極銅，以及粗銅冶煉工序中產生的副產品硫酸。

佢係中國有色礦業集團於銅及鈷資源開發的海外平台。

佢擁有四個營運中的礦山，即Ｃｈａｍｂｉｓｈｉ主礦、Ｃｈａｍｂｉｓｈｉ西礦、Ｂａｌｕｂａ中礦及 Ｍｕｌｉａｓｈｉ北礦。另外，Ｍｕｌｉａｓｈｉ濕法廠及剛果（金）項目亦已投產。

業務不是無質素的，見佢生意保持向上，不過，盈利就有點波動，有時盈利會大跌超過一半，相信好受成本及國際資源價值影響，反映佢有少少被動，企業質素未算最高。

過往股價上落大，要留意風險。企業質素算是中等，現價合理區中上部，都有長線投資價值，但就唔值得持有太多。