Q28311：
请问老师，京东，拼多多，抖音，快手，对阿里巴巴的电商竞争力影响几何？阿里巴巴护城河是否已经下降
阿里的竞争优势是否已经下降
龔成老師︰
近年科網的企業競爭的確比之前激烈，快手（1024）和抖音的業務同阿里（9988）不相同，但拼多多（PDD)和京東（JD)的業務就有競爭性。
但目前阿里(9988)始終是國内最大的電商之一，優質依然存在，但因爲政策的風險，中短期會較弱，現時有投資值博率，如果無貨，可以小注。
Q28312：
成哥，270見佢跌左好多，但供水業務一直穩定，點解市場對佢咁悲觀？我見佢H1個report 又唔算好差，係咪可以大手入下？
龔成老師︰
現時香港處於加息周期，就算是優質的企業好多都隨大市回落。
粵海投資（0270）佢係供港東江水部份，賺錢能力略有減弱，但未到無質素。
係疫情下，內地工商用水需求會下跌，影響收入。而且，集團收入除了水資源外，還有其他好似物業投資、酒店、百貨等，在疫情下難免會受影響。
至於增加資本開支投入建設，如果能提升現有效能，就會對佢盈利有正面影響。整體而言，集團業務依然係算穩定，預期維持平穏發展，故有長遠投資價值。
此股現時在合理區中下，未到平，不建議大手買入，投資時要分注進行，現時港股因爲美國加息等不利因素，中短期會較爲波動。佢優質度仍在，但增長力就比往減少左。
Q28313：
Hi 龔sir。想問下1919中遠海控～ 佢pe跌到低過2係代表好平，定前景差到咁?
我睇佢財務數據其實冇問題。就算有衰退風險加上運費受壓，都冇理由pe 1.xx
上網睇就話被人做空緊，代表其實股票質素低?
謝謝
龔成老師︰
中遠海控（1919）主要從事提供集裝箱航運、集裝箱碼頭管理與經營服務。
全球運費在近年大升，佢近年賺好多錢。
但要留意，航運股對經濟週期較敏感，之後經濟好轉對佢都有利，不過股價已反映，加上運費如果回落，會影響企業的賺錢能力。
整體的質素算是不差，在行業有一定的規模與優勢。
市盈率是以最近一年盈利來計算，這年的盈利比以往都高，因此市盈率便相對被拉到好低。未來能否維持高的增長，要再睇。
因此，佢現時市盈率咁低，唔係質素出左問題。而係上年盈利大升，令到出現這個極端情況。
Q28314：
-
285或1415好？
-
收息股6823/2388好？
龔成老師︰
1)比亞迪電子（0285）有潛力的，佢主要從事製造及銷售手機部件、模組及其他產品、提供手機設計及組裝服務，以及提供其他電子產品的部件及組裝服務。
過往發展正面，有技術，前景不差。長遠睇好佢的。現價合理，可以分注。
高偉電子（1415）本質不差，集團以原設備製造方式生產及銷售各類相機模組，用作多種具備相機功能的移動設備的重要部件。
集團亦生產及銷售用於多種消費電子產品的光學部件，包括玻璃板、透鏡及棱鏡。
留意，這股盈利都幾波動，增長力是有的。但整體質素算是中等，潛力度有少少的。現價處於合理區頂。
兩者比較，0285質素會較好。
2）香港電訊（6823）長遠有質素，是不差的收息股。
中銀香港（2388）係本地銀行股裡面，是較有質素的一隻，有長線投資價值。
如果收息來講，香港電訊（6823）會較好。但增長力計，就中銀香港（2388）佔優。
Q28315：
Hello 龔 Sir, 今日終於等到 #700 騰訊 $300, 諗住入一手，但無意之間知道一位同事，今日竟然放了#700，我問佢做也突然放？難道佢剛剛買了驚跌？佢竟然答我：佢係高位 ～$600 以上買，
心淡下唔想再見到佢跌落去。然後另一位同事就沖出嚟講：係呀南非大股東要減持。其實南非大股東都經常減持，我唔明點解咁驚…..
我成日問自己，依呢排個個放棄港股，相反我入係唔係好蠢呢？
龔成老師︰
其實每個人做投資決定都要獨立分析，不要「人雲亦雲」。
大股東減持一定會對企業股價中短期造成影響，股價會變得波動。
但作爲長線投資者一定要知道自己買入股票的原因，企業的質素才是分析的重點。
你的朋友的買入價的確偏貴，但騰訊（0700）是優質的股票，雖然因爲政策的風險，中短期都會偏弱，但長遠仍然有增長。
如果你的朋友持貨偏多，減持都算是適合的做法，維持組合的平衡。
你買入港股不是蠢，我相信美國和中國會是未來10年的兩個最大經濟體，入面有好多優質的企業可以選擇。
現時港股的估值處於較低的水平，值博率反而更高，因此你買入港股，問題不大，只是近期港股會因爲美國加息等不利因素，中短期都會偏弱，你要有耐心持有。
最後提翻，當年我見到2002年-2004年，都個個放棄港股、港樓，數年後，好多人後悔無在當年入貨。
Q28316：
老師你好，之前你一直都話中石化質素係中等， 但佢近年 受中央政策影響大力發展氫能，公司目標是成為中國最大的氫能公司，另外仲加大開採天然氣，請問呢啲會否對佢嘅前
景同埋公司質素有正面嘅幫助同埋值得長揸收息嗎？
另外 多隻香港地產股都跌到好殘，股息變得吸引 ，請問你點睇恆地嚟緊呢幾年嘅前景？
謝謝
龔成老師︰
中石化（0386），質素算是不差，但又未到好好，始終這只是商品企業，沒有一些太大的優勢。
生意近幾年都只是上上落落，無乜增長力，這是受油價等因素影響，反映佢處於一個被動的狀態。
有新的發展，當然有機會為企業帶來動力和增長。
但由於是新業務，需要大量資本投入和時間發展，所以暫時好難話佢會有明顯改變。暫時都會用佢固有業務，去作為分析主導。
近年碳中和、減排成為全球熱門話題。當中氫能源，是其中一個較多人討論的能源範疇。
由水變氫的電解過程中，由於需要消耗大量電力及能量，故必需有充裕的可再生能源配合(如太陽能、風力、水力)，"氫"才稱得上真正綠色能源。
但本身可再生能源，全球發展都未算完全成熟和普及，故已造成一個困難。
其次，氫氣儲存跟以往電力不同。要重新建構相關設備，都要時間和成本。
就使用安全性而言，過去就有不少氫燃料發生的意外，2019年南韓的一個氫燃料儲存罐發生爆炸，造成2死6傷。同年，美國和挪威都分別有儲氫罐和加氫站爆炸，造成人命傷亡。所以，安全性問題都成為發展阻力。
雖然有不少不利因素，但我依然相信，氫能有機會成為未來綠色能源的其中一員。特別係一些本身能源自給自足率較低國家，如日本，會較大機會全面發展氫能源技術(現時都看到日本朝這個方向)，以減少對海外能源的依賴。
不過，氫能暫時不算是主流，發展潛力是有，但要走到全面普及，相信還需要時間，而且當中依然有不確定性。
恒基地產（0012）有質素，雖然增長力不算好強，但都有平穩增長能力，不差的。
佢始終是香港大型地產發展商之一，不過賣樓最好賺的年代過去左，現時算是平穩增值。
現時香港進入加息周期，樓市會較爲波動，但相信這只是中短期影響。
這股都有質素，單計佢手持農地是全港最多的發展商，就知道有一定的價值，當然，農地要發展要好長時間，所以這股要好長線。
Q28317：
早晨，老師，好耐冇問你野，想請教，中銀買香港同中國邊個好啲，謝謝
龔成老師︰
中行(3988)是母公司，業務主要在中國，規模好大，但增長力有限，雖然都有投資價值，但有壞賬風險。整體來說，不能對股價增長太有期望，但作為收息股，則無問題。
至於中銀香港(2388)是子公司，業務主要在香港，亦有東南亞地區，由於有獨特地位，同時賺錢能力不錯，因此增長力比3988更好。這企業有質素，但股價就略有波動，因此適合分注投資，長線持有。
如果你想純粹收息，可以選擇中行(3988)；如果你想有小小增長力，選擇中銀香港(2388)。
Q28318：
Hi龔Sir, 請問968 前景點睇， 多晶硅成本增加，仲產能過剩，是否起碼到下年先有望有盈利？現在有8手分別 係$11, $10 入手，依家跌到9.68, 請問是否需要止蝕换馬？
pls advise, tks!
另外，請問9988 現時價位87.5是否合理可入貨時機？
龔成老師︰
信義光能（0968）本質不差，業務保持有一定的增長力，但風險度高，有一定的質素，但風險度同樣高。
中短期出現"產能過剩"，其實問題不大。碳中和是全球大方向，而光伏發電將會是最重要的其中一環，因此長線光伏玻璃需求是有的。
此股可以長線投資，但股股價會上落都大，要控制注碼，畢竟此股都是風險度略高的股票。
如果佔你組合不多（10至15%以下)，可以先持有住先；太多就要適量減持。
阿里(9988)是優質股，但因爲政策的風險，中短期會較弱，現時有投資值博率，如果無貨，可以小注，但暫時不宜持貨太多。
Q28319：
潛力股
1177 $6.13(20000股)
1810 $ 16.58 (2000股)
9988$ 235 (500股)
平穩增長股
1038$ 46.86(1500股)
823$ $59.95(1200股)
270$ $11.81 (12000股)
12 $33.36 (1000股)
Q1 老師，想問依家既市況，我以上買既公司是否仍然優質？
Q2 我既組合有冇咩問題？
Q3 如果要加持有冇邊隻可以加？
今年30 有30萬cash
暫時冇生活壓力
龔成老師︰
1）你持有的股票都有質素，但其中阿里(9988)因爲政策的風險，而粵海(0270)的增長力有減慢。2者但仍然有質素，可以持有，但不宜太大注。
2）你的組合問題不大，但個別股票有持股偏多的傾向，長建（1038），領展（0823），粵海（0270)，中生（1177）的比例開始偏多，建議個股長遠維持在15%較爲合適。
3）現時大市未到恐慌的階段，你持有現金可以用多10萬左右，分注加少少貨，其餘等大跌市的時候先加注。如果真的好想加，領展(0823)、小米（1810）、長建(1038)都可以考慮。
Q28320：
你好龔成老師
想問下細價股，倍升股同殼股有咩分別？
我已報名參加你個股票班
（本人是澳門人，已留位）
想問下倍升股係咪一定係細價股，例，2800，長實未必會係倍升股
龔成老師︰
細價股凡指市值比較細的股票，這些股票規模小，市值細，容易被大戶操控，風險高。
倍升股指的是本質好，有賺錢能力，前景好，有機會以倍數成長的股票。其中都可能是市值較細的股票，但我地一般不會選市值小於10億的潛力企業。
殼股基本上其價值，就只有上市地位，純粹等人收購。這類企業，不建議投資，好難玩。
盈富（2800）是幾十隻上市公司的組合，能夠倍升的機會不大，但就很適合一些初階投資者，記住，我地要「先想風險，後想回報」。
長實集團(1113)的市值已經接近2千億，再加上現時香港的地產業只屬於平穩增長類，想倍升可能性同樣不大。
倍升股不一定是細價股，但一定要是有增長潛力和質素，才有機會成就倍數增長。你見388、700、1211，多年來升幅數十倍，過往都不是一些細價股。