Q45811：
老師 我最近聽你的指教, 近半年每月月供美股VOO ，加上一直加持小米，但最近我也看好1211，小米和1211這兩隻那一隻長遠發展會比較高回報？
還是可以同時持有小米和1211。
最後對美股VOO有疑問，因為我開始月供的時候當時已經是最高位$600開始一直月供到現在，這樣算是會高追嗎？求繼續指點龔成老師。謝謝！
龔成老師︰
其實佢地行架路線和業務都不同，好難去直接比較。
潛力股方面，我自己會覺得依一刻，小米(1810)會高少少。你可以2隻都同時持有。
至於月供，其實係一個長期計劃，供最少3年和持有5年，才會有較明顯效果。
所以你唔洗驚買貴左，因為長線分注會將成本價平均化左。
Q45812：
我有另一問題，就是有時左揀右揀，永遠揀得唔啱！
而呢啲“有時”唔係買蘋果抑或是買橙呢啲左揀右揀唔知揀邊個啱，呢啲小事。
而是在重要事情上揀，會出現兩個選擇，都唔知揀邊個啱，兩個都差不多呀，如果一個好差另一個好好就好明顯揀到，但亦同時預視唔到將來原來當初揀果個就啱啦。
我人生經過過去廿幾年，累次發生。我總結我自己是“左揀右揀，永遠揀著個爛燈盞”！
龔成老師︰
出現依個情況，我建議你︰
-
搜集更多資料，去清晰化件事。
-
如果你“左揀右揀，永遠揀著個爛燈盞”，即係永遠選擇機率都係"輸"，其實出現機會好細。
‧有機會你努力根本遠遠未足夠(試幾次失敗，就懶晒落運氣度)，所以未產出成功例子。
‧有機會你本身最開頭，選"蘋果和橙"，已經出問題，2個都係會"輸"架選擇。
所以，說到尾，你要對事情了解更多，提升相關知識，才會令判斷更準備。
Q45813：
老師早晨，想你指教，本人剛比遣散有15萬港幣，想問現在起月供VOO，還是有其他選擇可以低風險地將舊錢增值，請你比意見，唔該
龔成老師︰
其實要睇你年紀、投資經驗和取態，好難一概而論。
如果你係未到退休之年﹐對個股無特別睇法，或者投資經驗好一般，可以買指數ETF。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
到你有一定投資知識，才慢慢動用這筆資金入市，咁會較穏當。
緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q45814：
龔成師傅，另外我還有一個問題
我手上有五萬多股匯豐 ，我諗住 匯豐去到135至140蚊先沽出一半， 然後有機會去到150蚊我就全數沽出，
你是否贊成我這樣做， 我成本價係62蚊 謝謝🙏
龔成老師：
你有一個錯誤的思考點，就是被成本價、賺蝕數所限。
其實，我地的思考點應該在「怎樣令長遠財富最大化」。
如果你貨多，$135減部分，留部分是否以，因為這是平衡風險的策略。
至於餘下的貨，你要思考「賣出全數後，資金怎樣運用，令你比繼續持有匯豐更好」。這才是重點。
如果匯豐在長遠財富配置上，仍可以幫你收息，及基本增長力，其實你可以持有。
因此，我會建議你減部分，留部分長線。
Q45815：
老師你好，我係2020年開始月供港股，後來因為疫情股市大跌，買到2022年就停咗月供，唔敢再買，一直擺到而家，暫時係蝕緊。
請問老師可以比啲建議我嗎？應該點處理🙏🏻
我既持股如下:
0012 恆基 2874股 均價$32.18
0066 港鐵 3582股 均價$42.49
0823 領展 3421股 均價 $67.23
我而家有$30萬現金，每月可儲$6萬，研究緊投資美股，想分散投資，打算每月定投VOO/QQQ，同買黃金，請問適合嗎？今年27歲
龔成老師︰
首先，你犯左一個好多投資者架錯誤，就係自行停供月供計劃。
我地投資係唔會"估"走勢，我地只會用平貴，去定入市策略。現時大市在合理水平，我地係無需要去停止月供。
因為月供係一個長線計劃，透過平均格價買入法，去拉平衡你個成本。如果你隨意去變動，好易破壞左個效果，影響長線回報。
我見太多例子，就係供1,2年，見隻股票一直跌就唔供。其實咁係白白錯過左最重要"低位"儲貨的機會，令到整個月供效果嚴重受損。
記住，無論持有定係月供一隻股票，最重要係睇佢長線投資價值。如果無變差，只係股價跌，其實係唔洗理(甚至可以加注入平貨)。而唔係見個價跌，就當佢無投資價值，急住去沽，咁係好錯。
如果你係初學者，未識定平貴，我建議你一直不理價格照供。除非你自問有充足投資經驗，你才可以考慮在大市明顯貴時，調整供款，甚至停供。
至於現有持股，你可以保留。
但0823和0012近年都弱左，唔建議你再加注。
長線你可以因應自己年紀，再去做長線規劃。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時27歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。
策略上，你可以考慮「平穏增長股」和「潛力股」。現在你每月先用5成儲蓄，即$30000做月供。其餘先儲起，用一邊月供一邊儲蓄的策略。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
最後，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q45815：
您好,龔sir 手上只有60萬現金。希望做到月月派息可以嗎？有勞您了
龔成老師︰
你可以透過買收息資產，去做到而點，但我建議你先思考幾個題。
- 月月派息，唔一定要買"月月派息"架資產，你可以投資一些每半年/一年收息股，之後自己再分配。
因為"月月派息"，好多時個行政費用，會較每年一次多，令你回報變相被蠶食，未必值得。
- 你要"月月派息"原因，是已經財務自由、退休、或者其他。
因為我一般建議退休人士，才會開始以收息作目標。因為佢地已經無工作收入，所以要靠股息/利息之類去支援退休生活。
相反，你係較年青架話，應先以增長型股票，去提升財富水平，令自己累積更多退休本金，才是較理想做法。
- 以下是不同收息資產，適合退休人士用，你可以參考下︰
你可以考慮將這$60萬，分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
（你可睇下《50穩健收息股》當中仲有好多）。
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你可以考慮將$60萬資金，因應自己取態，去平衡地分配在上述的項目上，對你來說是最好平衡風險，同時有穩定的現金流。
Q45816：
龔老師, 您好!
請問响保險公司購買的保單, 如: 儲蓄計劃或年金, 是否享有存款保障架呢?有勞!
龔成老師：
在香港，保險公司購買的保單（包括儲蓄計劃、年金、人壽保險等）並不享有一般銀行存款所具備的「存款保障計劃」保障。
因為「存款保障計劃」是專為保障銀行存戶而設。
不過，雖然保險單不受「存款保障計劃」保護，但香港政府已落實設立「保單持有人保障計劃」，作為保險公司的最後安全網。
保險公司萬一無力償債（倒閉）時，為保單持有人提供補償或確保保單繼續有效。
Q45817：
您好 想問2802 及659
在收息及增值方便 以月供方法
值得投資?
Thx!
龔成老師：
Ａ南方國指備兌（2802）之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，所以，佢有機會行派高息模式，但能否保持，無人知，同時要明白有價格波動。
由於這ETF成立時間不算長，而這段時間，港股大致是向上的。
我並不是說不能投資這ETF，而是要明白上述的風險，同時在注碼上不宜過多。
至於周大福創建（0659），可月供，作為長期收息股。
0659業務遍及中國內地、香港、澳門。
周大福創建係一間綜合企業，可分為7大業務：道路、環境、物流、航空、設施管理、建築及交通、策略性投資。當中可分為兩大類，即是基建及服務
整體的質素，算是不差，但又未到最高級別，業務分散於多個範疇，部分與公共事業有關。
企業本身不是沒有優勢，長遠仍有增長能力，但企業本身已很龐大，增長期望不會太多，過往過價大致穩定，投資宜集中在股息多於股價回報。
現價合理，分注投資可以，但要明白佢增長力不強。
Q45818：
想穩陣增長
請問查中銀香港好？
還是入黃金？
Thx 🙏🏼
龔成老師：
黃金雖然可以作為財富配置的一部分，但不用買太多，同時現時金價高，就算這刻買都只能小注。
考慮到金價可以有較大波動，投資中銀較穩陣（當然，你長遠應該以「組合」去考慮，建立一個平衡，有不同資產的組合。
中銀香港（2388）長遠有質素，是收息及平穩增長類的股票。
這股近年業務持續好轉，除了反映香港及其他地區經濟開始好轉外，這企業由於有不少按揭部分，現時香港樓市穩定，也對這股有支持。
在中長期，經濟會持續好轉，樓市會穩定，因此，這企業仍正面。
銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理中間，分注投資，長線持有可以。
Q45819：
老師想問下想收息，自製現金流，
如果3110/3416/3466/3145
你會建議邊隻好？定可以同一時間持有兩隻？
龔成老師：
可以同時持有3110、3466、3145，這些都是優質收息ETF，長線持有無問題。同時持有可以減少風險，只要控制好總投入資金就得。
至於ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，所以，高息是否保持，無人知，同時要明白有價格波動。
由於這ETF成立時間不算長，而這段時間，港股大致是向上的。
但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。
我並不是說不能投資這ETF，而是要明白上述的風險，同時在注碼上不宜過多。