Q41701：
我流動現金2,000,000
買咗90幾萬股票係咪要停一停手啦？
龔成老師：
資金分配，最重要是長期財富配置，以及你本身中短期是否要用資金。
長期配置就是以長期角度，你的港股、美股、其他資產、現金，怎樣的比例才適合自己，要建立一個適合自己的組合。
如果你中短期的資金無特別用途，其實現時股票比例，並未到過多的情況，仍可以慢慢動用資金分注買入，當然，每個人的風險度不同，如果你認為足夠，就可以停一停。
Q41702：
最近有什麼潛力股 優質股可以推介下嗎？
龔成老師︰
以下是一些具增長力架優質股，適合年青至中年人士。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
Q41703：
老師，我月供中國銀行同工商銀行，大概一年多而家係咪應該要沽咗佢，再轉其他股票呢？
好似升得都好高啦銀行股，出邊又好似吹緊啲風話隨時又大跌市，點好呢？
同埋呢兩日喺Facebook都睇到有一個扮你嘅Account，叫人入WhatsApp群組，我已經舉報咗
龔成老師︰
要睇翻你本身投資的目的。
内銀本身雖然適合收息，但佢風險度都唔算細，因爲本身有壞賬問題，但股價在估值方面，已經反映了相關因素。
同時由於内銀已經有以一定的規模，股價增長力不強。不過，作為收息股可以。
因此，如果你投資的目標是收息的話(例如你係退休人士，想長線有穏定架被動現金流)，建議你可以不用理會股價的升跌，持有收息就可以。
至於大市將會下跌的問題，其實股市一定有周期，同時存在風險，任何時候，股市都會有下跌的可能。
相反，你係偏年青，這類股票就太保守，唔太適合你。
同埋，記住我地作爲投資者，不會用「估走勢」的方式去投資，會因應平貴去定策略，去分段吸納優質股，並長線持有。
現時工商（1398）中國銀行（3988）都未到貴的水平。 因此，仍然可以持有住先。
最重要的你持有的數量是你自己覺得「心安」，升跌都不會有太大的情緒波動，否則，就要考慮調整組合的比例。
另外，多謝你幫忙舉報，避免有更多的受害人。
由於近期好多股市騙案，我已經加强在IG同FB提醒大家小心（因為真係好多人受騙，絕對要提高警覺，同埋大家要多教身邊人，買股票就是買公司，要買有質素，唔好亂聽「必勝貼士」）。
同時，要重申我從來不搞任何群組，不搞whatsapp group，近期好多財經群組出現騙案，強烈建議大家離開所有不明來歷的群組，唔好認為多與不同人交流就一定好，你永遠唔知同你傾緊計果個是否騙徒，提醒身邊人要小心。
Q41704：
龔成老師，你好請問我已退休主要想收息及平衡增長想問
朋友推介3416、3419月月收息股，希望你比啲意見，感謝🙏🏻
龔成老師：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，加上這ETF較新，未知佢做成點，所以，如果你睇好，可以小注投資，但不建議太大注。
ＧＸ恒指備兌（3419）業務基金之投資目標為透過投資於恒生指數的成份股本證券，及沽出相關指數的認購期權以收取認購期權買方支付的款項（期權金），以產生收入。
同3416一樣，如果你睇好，可以小注投資，但不建議太大注。
Q41705：
老師想問 3081 etf 月供合適嗎 ? 或者有無黃金etf 介紹長線月供？
龔成老師：
價值黃金（3081）之投資目標為提供黃金定盤價表現非常接近的投資回報（未扣除費用及開支）。
當金價上升，佢都會上升，當金價跌，佢都會跌。
睇翻佢過往的價格表現，基本上都追蹤到黃金的價值，因此都可以成為投資黃金的工具。這基金可月供的，只要你控制金額就得，現時金價高位，雖然長遠仍偏向上，但不是大手買入時機。
Q41706：
303算唔算好股
龔成老師︰
偉易達（0303）作為收息及平穩增長股，可以，但增長力就不算強。
本質都算可以，長遠投資價值有的，但又未值得持有太過多。
偉易達是全球最大的嬰幼兒及學前電子學習產品企業，作為收息及平穩增長股，可以，但增長力就不算強。公司每年都沒有投資大量資金發展，反而管理層、大股東，偏向想收息，派息比率達9成，因此這是重派息多過重發展的公司。
雖然佢係某些業務做得不錯，但發展心不強，同時大環境並不是高速增長，故相信佢之後都會平穩（當然，經濟因素都會令中短期波動，但長遠計，這股算是平穩增長型）。近年這公司的生意，都是平穩增長，如果比較幾年前的盈利，都是差不多。
如果目標係收息為主，加基本增長，此股可投資，但不值得太大注，始終業務發展力不強，不是高增長類，現價合理。
Q41707：
龔sir你好，我想請教一下
我今年48歲，沒有樓或任何資產股票在手，有100萬現金，本身做生意每個月收入在五至六萬左右(但不能確定長久穩定)，這100萬現金，我應該如何分配？主要想財富增值，有股息收，求指教
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你現時48歲，建議用「平穏增長股」 + 「潛力股」作組合，並以平穏增長股作主力，去創造一個增值平台。
但投資是長線的，你可以用每月5成儲蓄做月供，其餘先儲起，或者你可以先動用$100萬中的$20-30萬慢慢「分注」去建立一個組合。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
由於美股要收股息稅，收息的部分可以集中在港股；(不過以你年紀，建議先做好增值，而唔係收息)
平穩增值的部分可以同時考慮美股和港股，令整體組合更爲平衡。
現時大市處於合理區，同時你的收入不穩定，建議你不要用盡現金，要留有部分防守，同時可以等大跌市的時候掃平貨。
至於生意方面，你可以睇下佢長線發展，如果都有，純粹係中短期收入較波動。建議你都預留一定資金，去支援個生意。因為長線生意發展得好，係可以比優質股架回報更高。
Q41708：
耐克NIKE美股現在直博入貨算理想價嗎
龔成老師：
NIKE (NKE)近年面對競爭加大，影響了業務，由於風險有所增加，暫時不建議大手買，分注則可以，現時處合理價。這企業於1967年創立於美國俄勒岡州，業務包括運動鞋、服裝、相關配件等。集團現時為全球最大運動鞋及服飾銷售商，主打較年輕的消費者市場。
現時旗下產品種類，主要分為跑步、NIKE籃球、The Jordan、足球、訓練和運動服裝。其次，還有美式足球、哥爾夫球、板球等戶外運動用品。
集團擁有強大品牌和研發技術，透過高質素的運動產品，令其一直於行內保持領導地位。
不過，近年的市場競爭加大，影響了賺錢能力，盈利更出現回落情況，相信中短期只是一般，企業要時間調整去提高賺錢能力。至於長遠，相信仍是正面，始終企業有品牌及優勢，但不確定性會略有增加，因此，只要控制注碼仍可投資，但暫時不建議投資太多。
整體而言，此股有質素，現價算合理區中下，可以分注儲貨，並長線持有。
Q41709：
一家4口
先生43歲收入：30000
太太35歲收入：60000
現有現金50萬，
一層樓自住
一層樓放租，19年買入，7月可賣，應蝕100萬，大約可取50萬
合伙分拆工廈：19年買入，100萬鎖住賣唔出，收租中
定期：50萬7月可取出
之前上過D所謂炒股炒樓班，羊群心理，唔理解情況下信左，股票蝕左幾十萬，投資樓又蝕100萬，工廈又鎖住咗錢，自住樓一樣跌百幾萬，將之前賣樓賺既錢蝕好多
我預設2035年，可有現金流8-10萬
今次跌市係我地翻盤機會，希望你可以比d建議我哋🙏
現階段可用50萬現金分注投資
+每月2萬可用作月供投資
等7月份拎定期+賣樓既錢再可再分注投資
上次你提及10年後有8-10萬現金流，需要本金1600-2000萬作目標，你建議增長型和平穩型各佔幾多比例呀？
現時跌市我地組合如果買4-5隻股票用作長線應點選邊d呢？
0700騰訊 1211 比亞迪 1810小米 0388TSLA 等等
平穩增值 港鐵 港交所
請問先投資50萬組合可以點樣分佈呀？現時跌市分佈投資邊3-4隻股票長期持有好呀？
另外，月供每月20000應分散投資落幾隻股票嗎？你建議既指數ETF VOO 2800 VT ，1211
多謝你既指教
龔成老師︰
上次估算10年後有830萬，是建基於假設年報10%，同時你投入100萬本 + 每月供3萬。
但你現時月供只可以做到2萬，會有一個落差，你要去解決。
組合方面，係以上次講架"平穏增長股"和"潛力股"為主。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
你所講架股票，都係可以現價入市。50萬先用當中30萬，去"分注"咁慢慢儲貨。(不過，建議加多少少美股，去平衡地區性風險)。
至於月供，都可以用佢地。
不過，最大問題係你太集中潛力股(1211,1810,TESLA)，建議你係無太多投資知識的前提下，暫時用翻波動性無咁高架"平穏增長股"做重心。
因為"潛力股"發展理想，係可以明顯跑贏大市。但發展不似預期，都會跌得好深，故初學者不宜持有太多。
至於最終你買邊幾隻，其實真係睇你自己取態，睇好邊D行業，因為佢地(上次講架一系列股票)都係有質素，都係值得長線持有和用於月供。
如果你真係諗唔掂，就買指數ETF，如2800、VT、VOO、3067、QQQ等。
最後，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41710：
老師，我現在有3個小朋友，兩個3歲，一個係bb，所以我無番工，得老公一份4萬收入，想問下有咩股票可以適當短炒賺少少，本來已經有好多收息股
已經有粵海，恆基，快手，小米，alibaba
龔成老師︰
短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。
你見全球最賺錢架投資人巴菲特，都唔會做短炒，只會係做長線投資。所以，建議你放棄短炒架想法。
你上有架股票，都有長線投資價值。但有4點要注意︰
1) 粵海(0270)質素弱左，長線不要持有太多。
2) 你手上架都唔係收息股，而係平穏增長股(0270, 0012)和潛力股(1810,1024,9988)。
由於潛力股不確定性大，唔建議持有太多，最多佔組合4成好了。如果你經驗淺，或者較保守，比重要再進一步下調。
長線應以平穏增長股作主力。
3) 長線建議加少少美股，去平衡地區性風險。如果唔識選股，可用指數ETF VOO。
4) 由於你家庭收入全靠你先生支援，故建議投資前預留半年至一年開支，作為應急錢，咁會較穏當。