Q22761：
呀Sir, 我係你既舊生。成日有個問題一直想問你：
對於公司一次性既收入/盈利，係估值上你會點處理？例如中生制藥咁，2021年中期業績因為科興疫苗多賺5倍，假設疫苗只會貢獻到一至兩年，
咁呢d盈利就無代表性，但係公司的確又賺多左60億。
你會點處理呢？ 謝謝！
龔成老師︰
如果你預算佢只係中短期因素，唔係係長期影響企業賺錢能力的話，係我地做估算架時候，就會將該部份影響打折，甚至完全不考慮。
以中生(1177)為例，當疫情回復正常，你要諗全球疫苗供應和需求，會有乜野轉變。
例如，疫情穏定後，我地會唔會要每年都定期加針? 又或者全球肺炎疫苗供應鏈開始成熟，需求會否轉至其他品牌?
而這些轉變，又會對科興盈利造成什麼樣的影響?
考慮好這些長線因素，才決定係計有代表性每股盈利時，到底有無需要打折，甚至無視這個一次收入的影響。
Q22762：
30歲應該係年青至中年
2388其實同3988係咪好唔同?
龔成老師：
30歲仍算是年輕，在財富配置上，唔需要太保守，當然要睇你的家庭等情況。
中銀香港（2388）是子公司，增長力會較高，質素較好。中行（3988）是母公司，收息會較穩定。
中銀香港係本地銀行股裡面，是較有質素的一隻，有長線投資價值。
不過，整個銀行業的賺錢模式已有減弱，無以前咁好賺，之後主力是收息及平穩增長模式。現價合理。
Q22763：
老師 請問2160，突然跌左咁多 我招股價有一手。仲有希望上返嗎？
龔成老師：
微創心通醫療科技（2160）有危有機類，不宜持有太多，但不能說佢無質素的。如果一手，可守住先。
係一家中國醫療器械企業，專注於心臟瓣膜疾病領域創新的經導管及手術解 決方案的研發和商業化。
佢自主研發的第一代經導管主動脈瓣植入（TAVI）產品VitaFlowTM，於2019年7 月獲國家藥監局審批並隨後於2019年8月在中國進行商業化。
根據資料，截至2021年1月17日，有五款TAVI產品在中國獲批准或商業化，其中，VitaFlowTM是首款使用牛心包作為瓣膜組織的產品。
佢亦推出第一代自主研發的AlwideTM瓣膜球囊擴張導管及AlpassTM導管鞘，使其成為中國唯一一家全面提供自主研發互補性TAVI手術配套產品的醫療器械企業。
VitaFlowTM II是唯一在中國研發並已在歐洲開展臨床試驗的TAVI產品。
除TAVI產品之外，佢目前還擁有五款經導管二尖瓣（TMV）在研產品，通過自主研發及與全球合作夥伴（即4C Medical及ValCare，均為專注於二尖瓣及三尖瓣醫療器械研發的醫療器械企業）的共同開發戰略性地針對所有主流可行的二尖瓣返流經導管瓣膜療法（TVT）方案。
企業有一定獨特性，同時長遠發展不差，不過估值方面就十分難，因為這刻仍未有似樣的盈利。只可以話現價唔算平，因此，這股可長線，等佢更大收成，但要留意控制注碼。
Q22764：
Sir, 6618 京東健康，$110 入左，建唔建議現價溝d?
龔成老師：
京東健康（6618）不是劣質，但之前貴，加上政策風險，現時要睇你持貨%，如太多就唔好加，如%少，就可加少少，這股始終業務不確定性大，不建議持有太多。
其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。
京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。
質素上，京東健康是有的。但由於估值難，不確定性大，暫時合理區中間。
這股如本身有貨，可長線。
Q22765：
想問美股，蔚來 NIO ,我 38.08入，請問這間公司是否可長期持有?
龔成老師：
蔚來（nio）有質素的，但業務始終有波動，唔建議持貨太多，如果小注，就可長線。
佢係中國高端電動汽車市場運營，生產電動汽車，同時O佢發展緊自動駕駛，以及人工智慧等下一代技術的創新項目。
例如型號EP9、ES8、ES6、EC6，通過佢自己的銷售網路銷售汽車。
長遠發展正面，前景就無問題，只擔心市場炒得太勁，現價唔平，相信之後的股價上落仍大。如果投資，這刻一定不能太大注。可長線的，注意風險。
Q22766：
Hello 成sir，想問1810現價可入嗎？
龔成老師：
小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。
同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。
這股可長線，現價合理區頂，小注分注可以，但唔好入得太急，預佢股價仍波動。$15以下才是便宜區，所以現價不是大手時候。
Q22767：
Hello sir
請問1772點睇
$160有貨
龔成老師：
贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。
佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。
其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。
我相信佢長遠有潛力，有長線投資價值，問題只是平貴度的問題。現價仍貴，如果你小注持有就可，太多貨就要注意風險。
企業有潛力，只是平貴問題。
Q22768：
龔成老師 想問下我持有賭股一段時間 而家跌到好低 打算長期持有都無問題 但始終驚賭場有無結業風險？
龔成老師：
不用擔心。
我以銀河娛樂（0027）來說，中短期會弱，加上全球疫情反覆，都對佢有不利影響，不過，相信這只是中短期，以長遠的角度分析，企業仍是有質素的。
佢2021年上半年，已經有盈利，只是之後疫情令佢風險增加左。
在正常的經營環境分析，佢持有的資產好有質素，行業本身好賺，雖然疫情略有反覆，但全球疫情最壞的情況，相信已過。
但由於仍有未知數，加上之前虧損，因此將企業估值調低左。
現水平在大約在合理區中下部分，如果本身有貨，可長線，耐心持有就得，如果無貨，現價已經可以分注，但都要留現金。投資貨要有心理準備，中短期會弱，要長線，企業有長線投資的價值。
Q22769：
龔sir你好，想請你分析下2126藥名巨諾這個公司前月景，我有4000股均價26.6，應該要斬倉還是溝貨？因為他的新藥前景好像不錯
龔成老師：
藥明巨諾（2126）不是劣質，但卻是有風險有潛力的類別。
要明這類股不宜投資太多，同時業務都有一定的風險。
佢係中國的生物製藥公司，專注於研發、製造及商業化用於治療血液癌症及實體瘤的細胞免疫療法。
睇翻佢資料，佢的細胞免疫療法產品管線有血液惡性腫瘤產品，呢個係通過與Ｊｕｎｏ訂立的許可協議，佢可以係中國、香港及澳門研發、製造及商業化ｒｅｌｍａ－ｃｅｌ（為集團核心產品，用於治療各類Ｂ細胞惡性腫瘤）及ＪＷＣＡＲ１２９（用於治療多發性骨膸瘤）。
另外方面，佢有提供實體瘤產品，其實係過與優瑞科訂立的許可協議，係中國、香港、澳門、台灣及東盟成員國開發、製造及商業化用於治療肝細胞癌的ＪＷＡＴＭ２０３及ＪＷＡＴＭ２０４。
現時處於投資期，未有任何現金流，這是不確定性所有，雖然開發上述產品，但最終的效益無人知。只可以話，企業有危有機。
這類股，根本無法進行估值，只建議小注，適合長線投資，博佢成功爆得好勁。
如果本身有貨，就不要加注。持有就得。
Q22770：
師傅，1833，係掃平貨好時機嗎？
龔成老師：
平安好醫生（1833）長遠有發展力。現價只是合理中間，未平，加上政策風險，投資者投資這股，不能一次過買太多。
佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。
企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。
雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。
因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間，但好波動，月供就得，如直接買入只能小注。