Q47401：
請問美股何時會大回調？
龔成老師：
無人有答案，可能是下星期，或1年後，或5年。
現時科技股有點熱炒，但只要企業業績保持理想，就未必會大跌。
我不建議捉幾時大跌，反而兩手準備會較好。
投資時，要買優質股，小心做好估值。同時，也要有心理準備，如果某天大跌，應該怎樣應對。
所以，不太建議永遠等跌，如果完全無貨，都可考慮買少少，同時等跌。
Q47402：
想知道要什麼學歷才可適合報你課程？
龔成老師：
其實有小學學歷都得。
股票班（基礎班）適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課有兩份筆記比你，並有指引，要你在一星期內找那些資料，溫那些內容，做功課等。
每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。
只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。
另外，你上課之前，多睇理財、股票類的書（例如睇《股票勝經》、《圖解股票小百科》這書），留意一下財經新聞，到時就較易跟到。
Q47403：
Avgo,asml,coin 我都有貨，但不多
龔成老師：
上述3隻都是有發展力的企業，asml最優質，可持貨比例也可較多，其次是Avgo，發展中，可以持貨，只要貨不過多就得，但股價就波動少少。
至於coin，風險類潛力股，最重要小心好了。
Q47404：
中芯國際981 我$73 入咗老師點睇？謝謝🙏
龔成老師：
你預短期會波動，但長遠發展正面，只要貨不是過多，可耐心持有。中芯國際（0981）業務有增長力，算是有風險有潛力類。但政治因素成為風險，因此投資時要留意這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
由於美國及其盟國對中國高科技限制，預期會持績，因此中國企業將會更依賴中國的科技企業，只要這些企業如中芯不太差，同時技術有進步，都會為其帶來一定的生意。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
Q47405：
龔成老師，請問148/1286/2338值博率比較好呢？
龔成老師：
建滔集團（0148）相對會穩陣D。佢有質素，雖然生意有平穩增長，但盈利卻有少少波動。
佢主要從事覆銅面板、印刷線路板、化工產品、磁電產品製造等業務，成本的波動對佢有一定的影響。
因為佢主要從事覆銅面板等業務，這類業務的成本會較為波動，就會令盈利較波動，睇翻佢部分業績，有時會有生意倒退，並盈利大跌的情況。
佢股息率有一定水平，這是受近年業務增長所帶動，這當然利好，但見佢增長力有所減慢，可能日後盈利會略有回落，咁就有可能影變左派息。因為佢成本會較為波動，就會令盈利較波動，最終影響派息。
因此，這股都可投資，但就不建議太大注，而現價合理。
Q47406：
龔老師，想請教英特爾你點睇？🙏謝謝
龔成老師：
Intel Corp英特爾公司（INTC）幾年前發展較一般，企業過往擁有的強大優勢有所減少，但自從2025年美國政府入股、加上英偉達入股，成為轉變因素，加上市場對CPU需求重新睇好，令佢加翻分，有機會好轉。
這企業從事產品和技術的設計和製造，包括數據中心部門（DCG）、物聯網部門（IOTG）、Mobileye部門、可編程解決方案部門（PSG）。
這企業領導半導體行業幾十年，但在最近幾年開始面對更大的競爭，這企業正大力投資在技術層面，期望能保持企業過往擁有的優勢。
企業不是完全無技術，由於面對的競爭比過往加大，企業不確定性會增加，但由於入股因素，將會有利企業發展，因此，發展相信會正面，但不確定性會比過往增加，加上近年股價動，暫時只建議小注。
Q47407：
龔sir,我有個好蠢嘅問題可唔可以問你？ 我買咗好多隻係你推介嘅收息股，但呢我唔識計嗰個股息一年係幾多？因為唔知扣幾多稅？
龔成老師：
最簡單的做法，就是睇翻這年度，你銀行簿有多少股息收息，因為你收到的，已經是扣了稅後的股息。
另外，你也可以睇翻財經網站，會顯示每隻股票，近幾年的派息情況，例如某股2025年度派$1，而你持有1000股，你就收$1000，但要扣手續費及稅。
一般來說，港股收股息稅並不多，部分企業收10%，部分不用收，所以影響不算大。
Q47408：
老師，剛剛完成你嘅課程，多謝你改變咗我嘅思維，唔再短炒，N V D A, TSM, GOOG至今仍持有，真的感激你嘅教導☺️
但ORCL$330入，我係咪仲應該繼續持有？升到邊個位止蝕離場？另外，用了堂上所學的方式搵到兩隻有潛質的股票(FN丶ASTS)你有乜意見？求指教🙏🏻
龔成老師：
太好了，我最重要教大家「買企業思維」，買入後等成長，不著重短期股價，相信你上述的股票，回報理想！
雖然佢地短期有機會波動，但只要你持貨不過多，耐心持有，等企業成長就得，都是有質素！
甲骨文 Oracle Corporation（ORCL）有一定的規模及質素，不過股價就較波動。其實你持有都可以，只是之前市場炒作較大，只要你貨不是過多，可持有。
甲骨文軟件係統有限公司（Oracle Corp）為全球企業提供數據庫技術和企業資源計劃或ERP軟件。企業提供解決全球企業資訊技術問題的產品和服務，企業的雲產品包括各種雲軟體應用程式，包括企業資源規劃軟件、績效管理、供應鏈解決方案等，以及基於雲的基礎設施支援。
成立於1977年，如今，甲骨文擁有136,000名員工，在175個國家/地區擁有430,000個客戶。甲骨文現時希望由人工智能技術的發展，帶動雲相關業務的需求進一步增加。長遠仍是有發展。
Fabrinet（FN）從事為原始設備製造商提供光學封裝和電子製造服務。
該公司的工程服務包括流程設計、故障分析、可靠性測試、工具設計和實時可追溯系統。其製造業務提供傳感器、子系統、定制光學器件以及光學模塊和組件。
該公司由David Thomas Mitchell於1999年8月12日創立，總部位於開曼群島喬治城。
業務增長快速，但規模未算好大，未能確定企業是否好有優勢，是否有好強的技術護城河，所以，你預風險會較高，加上現價唔平，企業要保持高增長才能支持到當前股價，所以，風險都會較高，現時市盈率80倍，預測市盈率60倍，唔平，只宜小注。我會建議你深入了解企業的業務，是否在技術上有優勢。
AST SpaceMobile, Inc.（ASTS）你預都有一定風險。
AST SpaceMobile Inc 是一家衛星設計和製造商。該公司正在建設全球空間蜂窩寬帶網絡，以直接使用基於廣泛的IP和專利組合的標准、未經修改的移動設備。該公司的使命是消除移動用戶面臨的連接缺口，並最終為仍未連接的數十億人帶來寬帶服務。
發展力是有的但股價上落好大，加上未有盈利，營業額也不多，市場只押注在將來發展，但具體將來業務價值多少，大家都只是估估下，此風險較高。暫時不算特別建議。當然，我未深入研究，我會建議你深入了解企業的業務，是否在技術上有優勢。
Q47409：
Sir，我幫朋友問的，佢而家單親，要照顧一個小朋友，請埋工人
佢公務員，人工3萬，正常每年都會跳point加人工，本身係嘉湖山莊有個3房物業住緊，單親之後就供唔到，每月負數扣老本，最後尋日放左個物業，七除八扣都冇賺，黎緊要租樓住，都係會租返嘉湖3房，問過經紀大約13000一個月，連埋水電煤，工人，食，小朋友同自己支出，大約2萬5
佢會做兼職，做到既話預計每月會多1萬
雖然而家佢租樓，但佢都想上返車，想問呢個情況下，每月剩低既錢可以點部署
同埋想問下經紀同公司啲佣係點分配，同埋租樓個度點可以唔比佣，因為佢賣樓個陣已經比左8%佣個agent，賣樓又冇賺，冇乜錢可以比佣，agent又收左買家10%佣，$4620000個agent收左$86200佣
龔成老師︰
其實佢長線都要部署翻一個自住物業，由於家庭人數變左，會唔會可以買個細D單位??
咁樣佢就可以用現有套現資金，直接買入自住物業，不用額外加錢。
因為我自己預長線，香港樓唔會大升/大跌，所以"自用"的話，已經可以部署。
所以，我覺得佢先思考，是否短期再入市買樓，先決定資金用處。(如短期再置業，最多做定期好了，不要買股票，一切保本和生活為先。)
第一，佢要計好目標的樓價，並計好首期金額。
第二，而在理財上，如果佢打算數年內買翻樓，這個首期金額的資金，就應該大部分持有現金或定期，餘下先投資。
如果真的有資金剩，會建議投資收息股，穩陣行先。建立一個收息股的組合，目標是5%以上股息率的收息股，以下可以參考下，例如高息基金（3110）、恆生高息基金（3466）、港燈（2638）、深高速（0548）、香港電訊（6823）、工行（1398）、置富（0778）等都可以，可以了解下，並從中選股。
第三，要計下月預計供樓數目，收入是否做到按揭。
Q47410：
老師，想跟你學野，但我夾唔到時間上堂。
請問初學由那本書開始睇落去？謝謝
龔成老師：
你可首先睇：
《圖解股票小百科》
《圖解美股小百科》
《80後千萬富翁》
《財務自由行》
之後再睇其他。
書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
以下是我的17本書：
《80後百萬富翁》（第10版）
《80後2百萬富翁》（第5版）
《80後3百萬富翁》（第3版）
《財務自由行》（第8版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（第2版）
《千萬富翁致富學問》（第1版）
《38全球倍升股》（第1版）
《圖解股票小百科》（第2版）
《圖解美股小百科》（第1版）