Q41321：
老師，想問分注入貨與溝貨的分別，謝謝。
龔成老師：
溝貨即是無計劃的愈跌愈買，例如買入$10萬，股價跌再買多另一個$10萬，再跌再加多$10萬。
分注買入，就是一開始定好策略，例如該股只會動用$10萬，將這$10萬分做多注，例如3注，每次$33000去買入。
我再講多少少重要概念。
其實，我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
Q41322：
老師, 記得你講過幾次安碩恆生科技 (03067.HK)有機會是下一隻倍升股, 我由2021年高位$17.3買到現在沒放, 但好似一直都未回升到這個水平..請問當年為什麼會咁樣暴跌既?
現在價錢大概$12.X, 請問算是合理價嗎? 是否價得加注? 在幾多錢以下值得入貨? 呢隻股票唔知要等幾年先有回報呢?
但我都好慶幸有聽你講, 在$15樓下入左兩轉小米、在$50樓下又入左兩轉1211, 現在呢兩隻都倍升, 期待可以喺股票賺到$100萬~
龔成老師︰
當年3067暴跌原因，係因為大環境轉弱。而且，你買入個價係偏貴，所以會有明顯架回調。
現價算是合理區，可以分注。但留意個別行業不要佔組合30%以上，以免造成過度集中性風險。
其實你持有股票，都具有長線投資價值，但你跟很多坊間投資者一樣，都係犯左一些共同錯誤，就係買左貴貨(3067)。令到自己長線持有優質股，但長線依然係輸錢。
其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
所以，你要努力提升自己投資知識，特別係"估值"和"選股分析"能力。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
至於小米（1810）、比亞迪（1211）都是值得長線投資的股票，企業可以有更大成長，不過，始終業務有點波動，因此都要控制好持貨比例，不能過多。
Q41323：
老師，扣税年金值得買嗎?
龔成老師：
「扣稅年金」是「延期年金」，只是可享稅務扣除，設有累積期，你可以理解為投資後，慢慢先每月收取本金同利息。
延期年金較適合在職人士，等你係年輕時以分期儲蓄方式累積資金，並係退休時把資金轉化為穩定年金收入，以供退休生活之用。
其實，你可以從機會成本角度，去考慮這件事。
如果你唔買年金，雖然要交稅，但這筆用來買年金的資金，就可以空出來進行投資增值。不過，投資回報係有不確定性。
若你買年金，雖然年金回報好細(主要適合退休人士，去創造被動收入)。但節省下來的稅金，郤是保證的。
所以，考慮重點會係你投資實力和是否願意承擔上述風險。如果你有投資經驗，又願意承受風險。其實保留資金去投資增值，長線可能會是更理想選擇。
Q41324：
老師，你好。今次想問下做生意對財務自由有幾重要。
我幾年前做過實體店，最近開始做電商，覺得做生意好難賺錢。買左股票多年，長期回報比做生意理想好多。
你同意如果股票回報更高，考慮機會成本，就放棄電商生意嗎？
而且買收息股風險比自已做生意更低。
謝謝老師。
龔成老師：
首先，做生意及股票，都是財富增長的方法，自己做生意，就是自行建立一盤生意，而買股票，就是買入一盤生意。
由於股票要上市，一般都是已經有實力，成功類的生意，所以在理論上，股票回報會較穩定，風險會較低。
至於自己做生意，如果成功，回報可以好高，但風險也很高。
其實，每一盤生意不同，好難答你堅持與否，但你要從長遠的角度分析，你面對的競爭是否愈來愈大？還是你有一些獨有優勢？
所以，你要睇翻現時你對你盤生意有幾大信心，如果信心一般，突破可能性不大，那就未必值得做。
Q41325：
龔成老師，你好！
祝老師的持倉長遠穩健地跑贏大市，財富恒常地年年增值！
老師的page我一直都留意，十分認同老師的投資理念。
我希望老師可以俾我一些投資建議，以我現時的持倉，應該如何部署及是否有些股票需要改變投資方向
以下是我的投資組合
00005匯豐控股
成本價29.190 （400股）
00011恒生銀行
成本價101.167（300股）
00388香港交易所
成本價325.817（300股）
01876百威亞太
成本價24.684（1800股）
01928金沙中國有限公司
成本價33.083（1200股）
02388中銀香港
成本價15.697（1000股）
02800盈富基金
成本價21.960（2000股）
03067安碩恒生科技
成本價10.326（8000股）
09988阿里巴巴
成本價100.239（300股）
總體的持倉市值以今日13/3/2025的市值是呈少少盈利，希望老師可以解答我的疑慮，
1:金沙與百威應否繼續持有？
2:我的持倉比例有那些地方可以改動，麻煩老師俾啲解議
十分感謝老師一直以來的無私分享
老師有空才回覆
龔成老師︰
1）持有股票與否，決定的因素是企業的長遠前景同發展。
金沙（1928）你預短期弱，始終消費力弱。
但不是無質素，可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。
佢業務情況慢慢向好，但全面回勇始終需要時間。
金沙投資價值仍在，不過就不是高增長股，相信有平穩增長的能力，同時有一定的派息，現價合理，有貨可長線，但要注意持貨比例，你的比例算合適。
百威亞太（1876）近年業務較一般，但以業務本質來說，這企業並非無質素，但業務有少少放緩情況，長遠仍是有價值的企業，但要留意增長力減左。
百威亞太是AB InBev Group的一部分，是亞太地區最大的啤酒公司，核心市場包括中國、韓國、印度及越南。百威亞太從事生產、進口、推廣、經銷及出售超過50個自家擁有或獲許可使用的啤酒品牌組合，包括百威、時代及科羅娜，以及旗下多國品牌和當地品牌，如福佳、凱獅及哈爾濱。
由於中國經濟及消費力短期較一般，所以這企業都會受影響，相信要中長期才會好轉。
但投資者又不用太過擔心，百威本身的品牌及銷售網絡理想，整體質素不變，加上印度及市場增長，其他市場都穩定，在不少國家都有相當的市佔率，整體並不是無價值的。
綜合來說，企業的質素仍在，不過增長力並不強，投資者不要視為高增長股，加上中國經濟因素，短期都會較一般，投資這企業要耐心，慢慢等待企業的好轉。
2）我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
你持有的股票中，大部分都是平穩增值，只有小部分是收息股或潛力股，如果你是年青至中年的人士，比例都合適。
長遠建議你可以加入美股，令到整體的組合更爲平衡，如果不懂選股，可以考慮追蹤標普500指數的（VOO）或追蹤富時全球股市指數（VT）都可以。
Q41326：
龔sir你好，我係投資市場新手，最近呢幾個月先開始認真學習投資，同埋留意股市，睇下財評，基礎知識仲慢慢累積緊
岩岩睇完你既影片「2025年股市分析」，仍然有啲地方唔係好明白，想問一問：
你提到未來2025年既港股，未來個勢只能叫做慢慢返去穩定，因為中國政府雖然出左招，但係經濟需要時間慢慢恢復，市場都需要時間觀察，所以都唔能夠期望形勢太好
但係2024下半年到而加，恒指升左3成，唔少個股都升左好多，股價已經去到你所講既合理區下游，甚至係合理區頂部，算係一個好好既表現，想問下應該點解釋？係咪因為有其他因素存在，而係影片無提到既？
因為呢個現象同影片入邊既分析唔係好吻合
我見到，有人話係因為美股不停下跌，所以外資為左避險，就將資金轉黎港股操作，導致水漲船高，形成東升西降既現象
想請教老師，真係因為呢個因素嗎？定係有其他因素，令港股最近升咁多？
如果係因為上述呢個因素，係咪意味著如果美股開始反彈既話，外資d資金既資金就會返去美股，令港股跌返落去？
如果咁既話，係咪港股今年始終會跌返落去，而我應該等到到時先進場掃貨？
畢竟我仲係新手，如果問得唔好，請老師指正，謝謝
龔成老師：
相信你未完全消化到影片的內容。
第一，港股。2024年9月，中國政府推政策，令到股市、樓市、經濟，開始穩定。但經濟要全面好轉，仍要時間。
而在2024年，恆指有不少時間在17000點以下，甚至15000點，這是一個便宜區，到了2025年，各種因素，令到股市向上，恆指上翻24000，已到了合理區的中間。
但部分股票，如果是升得太多的，已到了分理區較上部，甚至有些在合理區頂部。
所以，我地投資時，大市平貴是入門資料，每一隻股票都有不同情況，要留意。另外你都要明白一點，如果企業之後的業務理想，就會提高估值，就算股價不變，都會由貴變成合理，因此，企業價值要持續分析。
第二，有關美股，早前已去到貴的水平，而近期下跌，去翻合理區較上部。
至於資金流向、東升西降，其實都是表面因素，你要拆解背後因素。最重要是「經濟」、「企業情況」、「平貴度」，最終產生資金流向、東升西降等現象。
因此，你的分析重點不是資金流，而是「經濟」、「企業情況」、「平貴度」。
另外，你不要太著重短期情況，要睇企業長遠的發展。如果你是新手，建議你強化投資知識，睇一些入門書如《圖解股票小科》，或上課程，都得。
Q41327：
sir，量子計算版塊屬於潛力行業？有沒有推薦
龔成老師：
QBTS、QUBT、RGTI都是相關股票，不過，風險會較高。
同時行業這刻存有較大不確定性。
反而會建議投資一些較大型穩陣，同時有少少關係的，例如GOOG。
Q41328：
Realty Income Corp如何？
龔成老師：
Realty Income Corporation（O）有一定的規模。
擁有大約13000處房產，其中大多數是獨立式，單租戶，三網租賃的零售房產。出租率為99%，租戶有80個以上的行業。
房產位於美國的49個州和波多黎各，業務保持穩定增長，但並不是高增長型，長線投資價值都有。
Realty Income Corporation近年發展不算差，近年收入保持增長，派息也持續增長，但市場近年由於利率較高，市場的要求回報都有提高，因此就算這企業近年的派息增加，對股價幫助的程度只是中等。不過，當外圍利息持續向下，市場對要求回報率減少，就會對股價有利。
這是不差的房託，但不是高增長類型，要求每年以股息的形式將至少90%的應稅收入，分派給股東。派息每年都保持平穩增長，但不是高增長，而這企業已經連續25年增加派息。
由於物業分散，因此有一定的風險分散風險能力，從過往的收入及派息等資料，可定義出這房託是收息類型，增長力不強，但就穩定，長遠發展都有，這刻估值處合理區中間，投資者分注投資都可以。
Q41329：
全靠成哥成日分享，手上七隻股票六隻都賺緊錢，不過次次買完就升，又入得唔夠多 。嫌賺得小🥲
龔成老師：
有得賺都不差，之後要增加投資知識，當你有知識，投資就有信心，面對優質股，就不會只買少少，而是放心買入。
Q41330：
老師，美股量子計算IONQ怎樣 ？
龔成老師：
IonQ, Inc.（IONQ）有一定風險。
這企阮出售多台具有不同量子比特容量的量子計算機，並且正在研究和開發計算能力不斷增強的量子計算機技術。 該公司目前可以通過雲平台訪問其量子計算機，還可以通過自己的雲服務選擇客戶。
這種基於雲的方法可實現量子計算即服務 (QCaaS) 的廣泛可用性。
該公司的收入來自其量子計算即服務安排、與在公司量子計算係統上共同開發算法相關的咨詢服務，以及與專業量子計算係統的設計、開發和構建相關的合同，以及 相關服務。
雖然業務增長，但持續虧損，同時規模細，未能確定有特別優勢，只能說，這企業高風險。