Q41861：
老師你好，昨天一口氣再讀你的五年買樓四部曲，實在獲益良多！
本人想問問老師覺得西沙Sierra Sea值得買嗎？本人一家3口一直租住馬鞍山私樓多年，因為要近父母家方便照顧，並冇物業。兩公婆已50歲以上，仍在上班，有感要有自己物業安享晚年。
今次呎價比三十年馬鞍山私樓呎價還低，好吸引，但交通配套未完善，如果買係做開荒牛。我打算抽，不過感覺難抽到，但若抽到，是否去買呢？好忐忑。雖然儲到一筆錢，但放在定期，一時冇法攞太多錢出黎。
本人心儀3房樓自住，但未買過樓，第一間是否先要買細價2房樓減低風險呢？請賜教
龔成老師︰
如果你長遠打算在香港安享晚年，有自己的自住物業，是比較好的安排。當然，最重要是「資金方面無問題」，不會令你負擔太大就個得。
樓價近年有明顯的回調，但租金每年都上升，如果你無自住物業，將來退休之後，租金會是你的一筆頗大既支出。因此，長遠要考慮這個問題。
買樓自住，最重要是符合兩個條件：「供得起」+「物業滿足未來10-20年的需求」。
同時要睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。
另外，你再要審視其升值潛力，未來地區上、交通上、生活等等的配套發展，才去下一個結論，咁會較好。
早前我都有親身去過這地方，西沙Sierra Sea的地理位置有點偏遠，同時附近的交通生活配套未算完善。而且，你要留意一點"未算完善"，唔代表將來一定會"完善"，你預有風險係一直個配套都係弱，特別係你而類較偏遠架地區。
建議你去多幾次，了解社區、配套、交通、發展，自己是否覺得可以。
如果你是買來自住，只要自己覺得合適，同時能夠供得起，都可以考慮。
至於是否要買三房，就睇翻自己本身的長線需求(例如，長線是否仲係3人，定係只會有你2夫妻同住?)。
如果本身資金不算太充裕，或者本身兩房已經滿足到將來的需求，就要買3房，去令自己供樓壓力上升。
總體而言，現時樓價合理，如果買樓自住，可以考慮；至於買多大，要視乎你自己的需求。
Q41862：
你好龔Sir! 由2023年到而家個市都經歷左幾次大上大落，當中聽你意見不斷優化自己個組合。
慢慢感受到，一個優質股組合嘅力量，加上堂上學過評估平貴度先入貨，當大市急跌時唔怕蝕本，更加每次升返上去時成個組合價值比之前升更多。
有諗過係咪複式利率嘅效果，令組合實力不斷自我增強？
龔成老師：
對！一個優質股組合嘅力量，配合平貴度先入貨，當大市急跌時唔怕蝕本，每次升返上去時成個組合價值比之前升更多！
當中正是複息的力量，原理是我地將資金投入到企業，而企業不斷發展及資產增值，已經是複息作用，令我地的財富也產生複息的效果！
Q41863：
Robin Hood 長線持有會否比futu 較好？
由於我現居外地，當然最希望你舉辦網上課程。
相信好多人都有問過，了解到版權問題，網上班不容易執行。
會否考慮認真intensive 班？例如一星期。一星期可能時間較易安排。飛返香港上堂。
龔成老師︰
2者都有投資價值，但Robinhood Markets, Inc.（HOOD）你預佢是有風險有潛力類，佢潛力度和風險度會較高，只宜小注。
至於intensive班，而個我要再研究下，因為要大幅精簡內容，其實係有好高難度，同埋都未必多人上到。
學習方面，其實我同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：
http://bit.ly/3pP252j
課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。
完成課程後，你會學到：
✓財富系統概念，不再被炒差價的框框束縛；
✓股票、基金、債券、的士牌等資產的運用和買賣技巧；
✓懂得分辨資產質素和平貴，在最合適的時機買賣；
✓如何以最低的價錢，買到最具升值潛力的物業
✓致富3部曲，如何從當下這刻開始啟動！
另外，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q41864：
因為我想喺升市同跌市都賺到錢，所以跟朋友學咗點用沽空嘅方法
而且個市升得好慢
龔成老師︰
升市用於獲利，跌市用於部署。
其實只要做好成個投資規劃，同埋自己係用心儲錢，十年內財務自由係絕對可以。
不過，好多散戶會覺得，一年合理平等投資回報，應該係以倍數計。有部份讀者，更加係目標係每月有倍數增長。
但其實股神巴菲特，而位長期佔據全球富人頭幾位架股神，佢長期架年均回報率，都係講緊2X%。
而且，好多投資者焦點只係放在如何賺最多錢，但就完全忽視左個失敗機率同風險，所以最終輸錢收場。
你架想法，我係了解。但你咁樣其實係等同估短期走勢，但係短期勢會受好多因素影響，有D同投資或者個隻股票係完全無關，所以好難估。
即係你而家目標，係想用沽空，令到自己個市升跌都賺。但同時間，你都會出現好高架機率，係升跌市都"輸"，你要自己想清楚。
我就不會建議你用這類策略。
其實用價值投資，長線做到架增長，係比你想像中高好多。可能就咁講，你未入咁明。以下2個影片，係講長線投資複利效應的威力，因為好多人都低估左長線投資個種巨額回報，所以建議你睇下。另外，股神巴菲特就係用長線投資，透過複利效應，令巴郡股價表現比美股好100倍，所以唔好低估長線投資的重要性。
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
Q41865：
老師 我發覺自己好氣餒！儲錢真係一個長遠計劃，我唔知道幾時先可以夠錢買返股票，因為我媽之前大病一埸用咗好多錢！
龔成老師：
儲錢，的確是一個長期計劃，你無得急，你愈急就愈容易出錯！
我記得我當踏入社會工作，入$8000，都是慢慢利用儲錢，投資，一步步累積財富，我是一個好有記律的人，我要求自己有計劃，努力實行。
我從來不是一個好勁的人，但卻是一個努有恆心！好努力的人！為左目標，我可以比其他人更加努力！
我可以做到財務自由，就是「堅持」，而我相信，好多人都可以，只要堅持再堅持就得！加油！
Q41866：
老師你好，一直有睇你嘅書和Facebook, 想請問如果想月供股票，大約供到20萬就停，想供1810或1211，供邊隻好D？
本人四十幾歲，現持有大約70萬平穩增長股和收息股，也持有2000股小米$18買，目前只供緊1038，66，2800，每月各$1000
想加多隻月供股票，小米或比亞迪，諗住供大約20萬就停，請問邊隻好D？
Thanks so much
70萭股票包括：
5，388，1398，939，2388，12，3110，0709
買股票都係諗住for 退休之用
另外有啲收租樓，每月有$30000左右租金收入
我自己做生意，每月約$50000出糧俾自己
我老公打工，每月$50000收入左右
有自住物業，每月供緊$10000
有一個囝，16𡻕
另外有啲MPF, 退稅年金，銀行儲蓄計劃，保險公司儲蓄計劃，小朋友學業基金，也有買醫療住院保險等等
沒有買債卷
我和老公四十幾歲，想再有錢D，唔知有咩可做呢？
龔成老師︰
以你現時40+歲去計，應以增值為主（但不是高風險的增長，而是平穩地增長），你所講架股票都係有質素。但0005, 1398, 0939, 3110, 0709係收息股類，主要係收息，增長力可強，你們年紀雖然都可持有，但就未必適合持有太多。
如果你都能承受基本風險，長線應集中在平穩增值股和潛力股上，去保持增值。
至於比亞迪（1211）定小米（1810），我建議2隻都月供。
另外，長線建議你加入一些美股，去平衡地區性風險。
以下都是適合你年紀的股票，你可以參考下︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
另外，儲蓄保、年金、儲蓄計劃，都係偏向保守，不建議持有太多。
Q41867：
你好 請問1428被螞蟻控股收購 前景如何? 謝謝
龔成老師：
耀才證券金融（1428）都有基本質素，如果螞蟻能有效利用本身資源去進行發展，相信前景不差的。
當然，佢本身規模不算大，所以都有一定風險的。
佢係香港的證券經紀行，除證券、期貨及期權經紀主要業務外，亦提供孖展及首次公開發售融資服務。
近年的業務做得不差，相信有長線投資的價值，不過就不是高增長型，同時，佢業務會較受投資市場週期影響。
現價合理區中上部，由於業務較波動，因此唔建議大注投資。
Q41868：
老師，你好，中國平安44入左手，今天已出業績報告，請問會有機會上55嗎？
龔成老師：
中國平安（2318）你預中短期仍有點波動，好難講能否上到，始終會受股市表現影響，而長遠，上$55可以。近年表現較弱，從業務上，並不是完全負面的，企業仍有質素的。而另一個影響近年股價因素，是近1、2年的內房及延伸資產問題，會對平保中短期不利影響。
而現時內房問題開始好轉，起碼中國政府表明要穩內地房產，對這部分資金會利好翻。
因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。
如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。
平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。
企業回勇仍要時間，如果內房等資產問題無明顯惡化，這企業會慢慢好轉。
Q41869：
老師 。請問2342 京信 同 20 商湯 。現價邊隻直得買 。我打算長線睇吓會唔會爆上？ 請給拍示 。謝謝
龔成老師：
其實兩隻都有投資價值，而在長遠發展上，商湯集團（0020）會較強，不過，這股面對的業務及政治風險都會大少少。
商湯係一家專注於計算機視覺軟件的人工智能軟件公司。根據報告，佢為亞洲最大的人工智能軟件公司，市場份額為中國最大的計算機視覺軟件提供商。
軟件平台的客戶數量合計已超過2400家，同時還賦能了超過4.5億部手機及200多款手機應用程序。集團並擁有8,000多項人工智能專利及專利申請。
佢專有的人工智能基礎設施SenseCore，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。
長遠來說，佢的技術應用將會更多，有發展力。
不過，美國已對佢進行打壓，相信之後仍會面對一定的政治風險，這對投資者來說都是一個較大的不確定因素。
因此，這股都有長線投資價值，但由於政治風險，因此不建議投資太多。
Q41870：
老師，你話有野心可以發達，咁不停同自己講要有車有樓，要有錢，人就會努力向住呢個目標進發，變得有錢！？
龔成老師：
真正有野心的人，講完，就有計劃有行動，這才會成功。
如果講完無行動，根本就無用，也反映這個人無野心，只是發夢。