Q23461：

老師，近排我好唔開心，因為女朋友決定左話唔買樓，佢話唔想一世都為左層樓打工！

我同佢解釋左打工係追唔到通漲追唔到你想要退休後既生活！佢唔理我，唔聽我講，仲為左依件事吵左一次大架！

我明白改變其他人諗法好難，我而家費事再吵多次，所以都唔提買樓。點算好？

龔成老師：

你可以睇《財務自由行》，其中有一章，講述我地可以用投資工具，去盡力做到一些財富效果，令情況盡力追上買樓的。

其實買樓的原理，就是將現金轉為物業這資產項，然後長遠增值。如果你能利用現金進行投資，只要這些項目的長遠增長，能否追上物業的回報，你就能造成類似的效果。

當然，買樓因為有按揭，所以能有槓杆令回報放大（風險都放大），而我地利用其他工具去複製，就不太建議用槓杆，因此，的確不能完全追到物業效果，但都算是盡力做。

其實整個財富規模，最重要是「資產追資產」，只要你用其他資產項，去追物業這個資產，其實長遠你不一定輸的。

加上香港樓現價唔平，雖然我偏向睇長遠仍向上，但香港樓已不會如過往段倍升，因此，你又不用太擔心日後追不到物業。

嘗試同女友理性討論，大家一同在知識上提升，然後找出一些共同目標及計劃。

Q23462：

你好請問晶門半導體會升番上1.4左右嗎？我1.1有貨

龔成老師︰

晶門半導體（2878）係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉。行業需求對佢是利好的。

這企業質素未算好高，因為技術未算好強。如果可承受風險，這類股不是不能小注，但如果是穩健型，就不應投資這股。

至於佢會否重新升上$1.4，無人知。但投資此股有一定風險，必需要控制注碼。

如果你持貨佔組合較多的話，建議你沽少少，去平衡風險。若只係好小注，你可以守，再睇佢未來發展成點，去再作決定。

Q23463：

你好，龔sir。想請教你，對於移民前如何處置資產有咩嘢睇法？

明白優質資產應該長期持有，同時股息亦可作為收入，但股息收入或賣出股票獲利，海外大多要進貢稅項。到底應該點取捨？

謝謝你

龔成老師︰

這個問題，其實係好複雜。因為香港税制係好簡單，但當你身處海外，成為當地稅務公民，就會好唔同。特別係英國等稅務較複雜的國家，就更麻煩。

但從財富增值角度，有質素的資產，我地係應該盡力保留。

不過，在分析佢長線投資回報時，你就要因應相關稅務制度，去作出調整。在調整後，你發現相關資產，長線增值效果依然係理想，你就可以保留，作為長線增值之用。

在實行計劃前，我建議你先向當地的稅務專家了解，才去作出最終配置。

另外，建議你持有較多流動性高的資產，給自己較大彈性有利。

Q23464：

你好，龔Sir (我係代我父母問)

我今年70歲，同太太已經退咗休。

現時有一層自住樓，市值約7000萬，可以考慮賣。現金連股票只有400萬 而收息既股票只係俾到幾千蚊一個月既息。

開支方面，我哋兩個加埋每個月大概洗8萬到，其中1萬喺用喺架自用私家車到。

你會點建議我運用賣咗樓得嚟嘅現金 ? 係咪應該買一層約2000萬嘅樓自住？其餘嘅資產配置唔知龔Sir你有何高見？

謝謝你配

龔成老師︰

(你可以用以下內容，去回覆你父母)

由於你們已經退休，沒有主動收入來源，所以資產配置重點，我地會放係創造穏定現金流，去支援你們退休生活開支。

你現時每月需要8萬蚊現金流，以股息率6%計，你需要本金1600萬本金。

由於你現時持有現金不多，只有400萬。如果可以，我建議你地換一間較平的物業，去釋放一些資金，去建構一個退休被動收入組合。

至於換成一間什麼樣的物業，你可以因應你地本身退休想法，最重要係配合到你地長線退休生活所需。同時間，又可以套現有一筆資金，去創造現金流。

你可以將這$1600萬，分成5部分。

第一部分投資收息股，你可以建立一個收息股組合，你可考慮港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$1600萬資金，平衡地分配在上述的項目上，對你來說是最好平衡風險，同時有穩定的現金流。

Q23465：

成哥你好，我係投資倍升股課程，剛上第一堂

市盈率 7.253 X

「X」 是代表什麼？我聽得不是太清楚

B 代表 10 憶？

2.316 B = 23 憶？

K 代表 1000 萬 ？

166.7 /97.5 K

1660 萬/970萬?

M代表 100 萬？

24.2 M = 240 萬？

P.16 29M (10H)

10H 是否指多個

1000 人排隊賣出

龔成老師︰

7.253X，當中的"X"，代表「倍」，即係7.253倍。

我地係講市盈率時，會用"倍"作為單位。但唔係所有報價網頁，都會有個"X"，有D只會出7.253。只要你明白，佢係代表7.253倍市盈率，咁就可以。

B = 十億，故2.316B就等同23.16億

M = 百萬，故24.2M等同2,420萬

K = 一千，故97.5K等同9萬7千5百

10H = 10個HUNDRED，即係有1000個人在排

Q23466：

龔老師你好， 岩岩成為單親媽媽 住係海外 想為未來做好準備 但係係投資初學者

手頭上大概有十萬鬆啲可以用黎投資，因為無太多時間 所以想揾啲長線啲既股票 港股或美股

請問你可以俾啲建議嗎？Thank you.

龔成老師︰

我地買入一隻股票，就等同買入一間企業，透過其自然增長，以達至財富增目的。

當我地確認係值優質股後，我地會用平貴定入貨策略，並長線持有。而唔係做短炒，去賺差價，任何優質股只會用"長線投資"，作為策略。

因為短線股價會受市場氣氛、資金流向等，與企業質素不相關的事情影響。這些因素，我地係不能估計。

但長線，企業價值會係股價上展現出來。因此，優質股你買入後，長線持有，讓其自然增值，永遠都係最有效的財富增值方法。

投資市場方面，我預期未來一段時間，中國和美國會係全球最重要的經濟體系。因此港股和美股，都係有投資價值。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

我假設你係年青至中年人士，應以增值為主，建議你用「平穏增長股」 + 「潛力股」作組合，去創造一個增值平台。

但因為你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

現在你每月先用5成儲蓄做月供。其餘先儲起，用一邊月供一邊儲蓄的策略。

潛力股風險較高，你可以暫時集中在「平穏增長股」，到你有一定投資知識，才去慢慢加大翻個「潛力股」比重，咁會較好。

至於餘下的現金，可以先現價買1,2手盈富(2800)，其餘就跟每月儲一半儲蓄等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

不過，你現時係家庭唯一收入反柱，建議你係投資前，先留起最少半年開支，作為應急之用，咁會較為穏當。

Q23467：

老師你好，我係投資初學者，平時有留意開你既Q&A，岩岩買左你既百萬富翁準備開始睇

我32歲， 有一個小朋友，單親，我將會有10萬元可作投資。因為新手，所以諗住用月供股票形式作開始，但唔清楚比例應該點樣分配。可以比一點意見嗎？謝謝你

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時32歲去計，應先以累積財富為目標，故選股上可以集中係一些「平穏增長股」和「潛力股」，去先做好增值。

作為初學者，你可以先用月供去增值，以減少買貴貨風險。

策略上，你每月5成儲蓄做月供。其餘先儲起，用一邊月供一邊儲蓄的策略。

由於你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。

你可以先用現價，買入指數基金。餘下資金和每月一半儲蓄，我地就等機會，當大市出現較大回調，就加大力度掃貨，然後作長線投資。

但由於你係家中唯一收入來源，你最好先儲起半年開支，作為應急之用，之後才開始你的投資計劃，這樣相信會較為穏妥。

同時間，你建議你要去多讀投資相關書本、年報，新聞和課程，去努力增加自己投資知識，咁你長線投資回報，才會更好。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q23468：

想問下小米咩事不停跌

另外阿里巴巴弱到咁係咪唔應該

龔成老師：

小米（1810）受到歐洲某些國家，因為安全因素而叫國民停用小米手機，因此受到影響，相信中短期都會較波動。

長遠來說，這股仍是有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂，小注分注可以，但唔好入得太急，預佢股價仍波動。$22是合理區頂位。

阿里（9988）有質素，中短期一般，但長遠仍有增長力，之前貴，現價去翻合理區。其實長遠價值仍在，只要你持貨不過多，可以一直持有。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

Q23469：

老師，點睇1978?

我0.93持有30000股

見業績幾好，pe率得5, 想長期持

龔成老師：

佢市盈率只是由於政府補貼，令盈利增加，你在分析時，要尋找一些「有代表性」的數據。

敘福樓集團（1978）主要於香港經營餐廳業務。

佢擁有多個食店品牌，有一定的規模及網絡，過往賺錢能力不差的，不過，香港經營飲食業，競爭大，加上最大的風險，就是香港人好貪新鮮，因此就算這刻建立了不差的品牌，往後是不能保持價值，存有未知數。

因此，整體質素只能算是中等，現價合理的，但就不建議投資太多，始終疫情都有少少風險。

Q23470：

Hello 龔sir 會聽取你以上意見去操作。希望慢慢執返靚個投資組合。

最後想問下，通常你講的「小注」，「大注」，係大約幾多到？

已Wtsapp 留位了，謝謝你！

龔成老師：

最重要是計算，這股佔你股票組合的%。

例如你股票市值$100萬，每次買入1、2萬（即是1、2%就是小注，就算多次小注加埋，合共只佔組合的$3萬-$5萬，就是小注）。

相反，每次買入近$7萬-$10萬，合共總持貨去到$15萬，甚至開始超過這數，就是大注。

其實大注小注，無絕對的定義，只是一個對你組合有多少影響的概念，小注一般指，你就算輸晒，對你整個組合都無乜影響。

另外提翻，每隻股票佔組合的上限最好在15%，同一行業佔組合上限最好在30%以下。